NRC

За родителите што нема да ги запишат децата в училиште, покрај досегашните казни се предвидува да им биде укината и социјалната помош, ако се корисници.

Социјално загрозените семејства ќе останат без парична помош од државата ако родителите не ги запишат децата во основното образование. Социјалната помош ќе се укине и за родителите што нема да ги запишат децата и во средното образование, ако тоа в година стане задолжително. Тоа е мерката за стимулација за целосен опфат на децата во образованието што ќе почне да се применува од идната учебна година.

Стимулативната мерка се предвидува да се вметне во новиот закон за социјална заштита, кој ќе го подготви Министерството за труд и социјална политика, а моментно на мерки за опфат на што повеќе деца во образованието работат и во Министерството за образование. Според статистичките податоци, социјална помош користат вкупно 65.960 домаќинства.

Социјално загрозените семејства што добиваат помош од државата, ќе продолжат да ја примаат ако децата ги запишат во училиште. Лекарското уверение дека детето ги примило сите неопходни вакцини за возраст кога тоа треба да почне на училиште и потврда од училиштето дека е запишано таму, ќе биде доказ дека детето е вклучено во образованието. Само така социјално загрозените семејства ќе може да продолжат да користат социјална помош - вели Жаклина Величковска, портпарол во Министерството за труд и социјална политика.

(more…)

No Responses »

Приказната на Васка Бајрамовска Мустафа

На 11.09.2006, во Мултимедијалниот центар Мала станица, во Скопје, Националниот Ромски Центар организираше проекција на документарен филм, во рамките на кампањата за образование на Ромите „Клучот е во ваши раце“.

Документарниот филм е придонес кон интензивно вклучување и прифаќање на ромските деца во образовниот процес. Автор на филмот е Драган Антоновски, а продукцијата е на продуцентското студио Порта ФМ-Скопје. Главното мото на филмот е Образованието е клуч кон интеграција и просперитет.

Приказната во филмот се развива преку личната исповед на Васка Бајрамовска Мустафа, која сега работи во канцеларијата на Народниот Правобранител на Македонија. Таа зборува за значењето на образованието во нејзиниот живот и покрај потешкотиите со кои се соочувала.

По официјалната промоција пред 70-на гости, филмот прв пат беше прикажан на Телевизија Сител на 01.10.2006 година и се подготвува за прикажување на повеќе локални телевизии, како и за пласирање надвор од државата.

Comments Off

Се викам Рамче, ме викаат Џамче. Зошто? Затоа што повеќе сум гол отколку облечен, живеам во куќа, поточно колиба направена од картон, живи тули и плех… Ќе ви кажам една тајна, во земјата закопав тегла и во неа кријам пари. Сакам да соберам многу за да и купам на мојата сестричка инвалидска количка… По осмо одделение навистина не знам што ќе работам. Сакам да бидам молер и се да обелам во бело, па и јас да бидам бел. Понекогаш мислам дека луѓето не ме сакаат оти сум црн. Но, што можам јас, баба вели дека нашиот Бог е црн… Јас сум Рамче, поточно Џамче, низ моето џамче ја гледам мојата иднина.

Ова е извадок од есеј на ученичката Елена Накова од Штип на тема „Како е да се биде Ром на училиште, дома и во општеството“, награден од Македонскиот центар за меѓународна соработка (МЦМС). (more…)

No Responses »

Секое десетто ромско дете завршува основно образование. Од околу 8.000 ученици Роми колку што се запишале во осмолетките, основното образование не го завршиле ниту 600. Најголемо осипување на Ромите има во петто одделение, а најголем проблем им е да го совладаат македонскиот јазик. Ромчињата не го знаат македонскиот јазик кога ќе појдат на училиште и тоа понатаму им создава огромни проблеми.

Вака изгледа состојбата со образованието на Ромите, која би требало да се подобри со новата кампања „Клучот е во ваши раце“ - која вчера ја презентираше Националниот ромски центар. Кампањата, според центарот, ќе има за цел поголема вклученост на ромските деца во училиштата преку мотивирање на родителите, како и намалување на стереотипите и предрасудите за ромските ученици. (more…)

No Responses »

Алваро Хил Робленс, комесарот за човекови права на Советот на Европа неодамна во Стразбур презентираше извештај за правата на Ромите во Европа. Загрозеноста на оваа етничка популација беше практично лајф мотивот што се провлекуваше во сите тонови на извештајот. Станува збор за десет милиони Роми само во земјите членки на Советот на Европа.

Оваа фрапантна сторија што во вид на извештај ја презентираше комесарот Робленс, е сторија за проверката на човечката совест во првата декада на 21-от век. Комесарот на Советот на Европа само укажа на нужноста од партнерство меѓу властите, институциите и самите Роми за воведување и реализирање низа мерки што на општо цивилизациско ниво ќе ги поткрепат напорите во „деценијата на Ромите“ во сите сфери на социјалниот и економскиот живот. Притоа база и приоритет на секој напор во тој правец без исклучок е образованието. (more…)

No Responses »