NRC

Скопје и Будимпешта, 29 септември 2008 – Македонија би можела да биде водечки модел
за вклучување на Ромите , со нејзината посветеност на мултиетничката демократија.
Сепак, кога станува збор за образованието, има многу малку достапни информации за
учеството на Ромите и нивните достигнувања така што не постои начин да се
покажат резултати, добри или лоши. Всушност, достапните информации сугерирараат
дека децата Роми најчесто не го завршуваат образованието, а ониe кои ќе го завршат
немаат стекнато вештини кои им се потребни во наоѓањето работа после
матурирањето. Како членка на “Декада за вклучување на Ромите 2005-2015“ Македонија
им се придружи на меѓународните напори да се идентификуваат проблемите со кои се
соочува ромската заедница а работата на граѓанските општествени групи е фокусирана
на приближувањето на ромските заедници до училиштата. Со вистинска посветеност,
Маедонија се уште има можност да покаже вистински напредок во образованието на
Ромите.

Ова се главните заклучоци вклучени во извештајот Еднаков пристап во квалитетно
образование за Ромите во Македонија од мониторингот на Институтот Отворено
општество. Соединувајќи ги постоечките истражувања на оваа тема како и изнесувајќи
нови податоци, извештајот претставува детална слика за образованието на Ромите. Три
истражувања на оваа тема, кои ги покриваат Гостивар, Шуто Оризари и Штип, откриваат
важни детали за локалните искуства и покажуваат што значи националната политика за
актуелните заедници. Извештајот беше подготвен од тим на локални експерти: Горан Јанев
и Аница Драговиќ од Институтот за социолошки и политичко - правни истражувања, со
истражувачка подршка на активисти Роми Реџеп али Чупи, Ибрахим Ибрахими и Сабина
Мустафа.

(more…)

No Responses »

На 16 септември 2008 година, се одржа за Европската Комисија првиот Самит за Ромите во ЕУ, во Брисел, под заедничко покровителство на Претседателот на Европската Комисија, Хозе Маануел Баросо и француското претседавање со Советотот на Европската Унија. Ашмет Елезовски и Себихана Скендеровска учествуваа на Самитот како претставници на НРЦ.

Целта на Самитот е да се промовираат одржливи заложби за да се соочиме со конкретните проблеми и да се создаде подобро разбирање на состојбата на Ромите во Европа.

„Европската Комисија повика да се превземат заеднички чекори од страна на ЕУ и нејзините земји членки за да може Ромите да влезат во општествените текови. Се повикуваат националните влади да направат чекори за да им помогнат на Ромите при пристапот до училиштата, домувањето, вработувањето и здравствените услуги.

На Самитот зедоа учество нас 400 луѓе, меѓу кои имаше ромски активисти и ромски лидери. Целта беше:

• Да се зголеми светса за потребите на Ромите
• Да се пронајдат најефективни начини за да се подобрат нивните животи
• Да се обезбедат заложби за акција

No Responses »

По повод на големата акција под мото Денот на дрвото – Засади ја својата иднина (2,4 милиони дрвца засадени во Република Македонија) која е беше реализирана на 12 март 2008 подржана од Владата на Република Македонија, локалната власт, уметници, граѓани на Република Македонија, при пошумување на реонот во Куманово - село Челопек активистите на Националниот Ромски Центар активно зедоа учество.

No Responses »

На 25 фебруари 2008 год во Информативната канцеларијата на Советот на Европа во Р.Македонија, претаставници на Национален Ромски Центар од Куманово и други НВО и беа поканети да учествуваат на состанок со г-дин Хамарберг.

На состанокот г-дин Хамарберг покажа голема заинтересираност за појавите на дискриминација кои се применуваат врз Ромите во Р.Македонија, жените Ромки, статусот на бегалците Роми од Косово, а воедно побара и предлози на кои институции да им обрне внимание. Од наша страна му беше посочено да интервенира до раководечките структури на Владата, Министерството за Правда. Министерството за Внатрешни работи,

Како делегати на ЕРТФ и претставници на НРЦ на состанокот му кажавме дека Ромите се најмаргинализирана група во Р.Македонија и дека дискриминацијата како проблем егзистира. Најслаба алка во легалниот ситем на Р.Македонија беше истакнато дека е непостоењето на анти-дискриминативен закон како и нееднаквата имплементација на Охридскиот рамковен договор.

Нашето мислење и препораки ќе ги содржи следниот документ.

(more…)

No Responses »

Во среда, 20-ти февруари, со почеток во 19.00 часот, во Хотел Бест Вестерн (ресторан Ројал), во градот Скопје, Националниот Ромски Центар, организираше средба со новинари - главните и одговорните уредници на медиумите и информативните редакции во Република Македонија .

На неформалната коктел-средба, беа разменети информации и идеи, кои ќе обезбедат можност да се создадат врски за успешна соработка во заедничкиот третман на проблемот со вклучување на Ромите во општествените и образовните процеси во Република Македонија.

Средбата продуцираше заеднички заклучок дека постои неопходност од ангажирање на медиумите во актуелизирање и третирање на проблемот за вклучување на Ромите во општествените и образовните процеси.

Медиумите ја изразија својата подготвеност во соработка со Национален Ромски Центар да се залагаат за конструктивен пристап и информирање во третирањето на Ромската проблематика.

Во периодот што е пред нас НРЦ според предвидениот план и програма ќе настапи во јавноста со конкретни анализи и елаборации на податоците од повеќемесечната работа на терен низ 11 градови во Р.Македонија.

Средбата беше организирана во рамките на кампањата за образование на Ромите во Македонија „Клучот е во наши раце“ . Активностите продолжуваат со континуиран интензитет во соработка и подршка од државните институции.

(more…)

No Responses »