NRC

Во вторник, на 18-ти декември, во Мултимедијалниот центар Мала станица, во Скопје, Националниот Ромски Центар организираше проекција на документарниот филм „Зајакнување на ромската жена, зајакнување на ромската заедница“.

Документарниот филм е придонес кон надминување на проблемот со личната документација на жената Ромка во ромската и македонска зедница. Со овој филм НРЦ алармира за ситуацијата на овие жени кои живеат на маргините на општеството, без никакви права и слободи. Автор на филмот е Драган Антоновски, а продукцијата е на Националниот Ромски Центар.

Во воведниот дел од промоцијата зборуваше Ашмет Елезовски, проект менаџер на НРЦ и авторот на филмот, Драган Антоновски. Специјален гостин на вечерта беше пратеничката во Европскиот Парламент, г-ѓа Елс де Гроен.

(more…)

Comments Off

Интернационална Конференција
Организирана со Владата на Унгарија
Будимпешта, Април 2-3, 2007

Ромскиот Едукативен Фонд ја организираше Конференцијата за образовни реформи во Централна и Источна Европа и ромска инклузија во Будимпешта на која присуствуваа претставници на владини институции, на невладиниот сектор и донаторски организации. Во период од два дена беа разгледани повеќе прашања и значајни теми за образованието на Ромите. Преку дискусиите во тркалезните маси беа презентирани позитивните искуства од досегашната реализација на проектите финансирани од страна на РЕФ. Сите предлози и сугестии ќе им бидат пратени на учесниците на дополнително разгледување и дискусија до финалното спојување во евалуативна форма.

Претставници на НРЦ учествуваа на конференцијата, го претставија документарниот филм „Клучот е во ваши раце“ пред учесниците и го промовираа Годишниот Извештај на организацијата за 2006-та.

Само некои од размислувањата во излагањата:

Треба да му се понуди можност на секое ромско дете да се чувствува гордо што е Ром. – Делиа Григоре, претседател на Ромскиот Центар “Amare Promentza” од Романија.

Родителите не се проблем, тие се дел од решението на проблемот со образованието на ромските деца. – Румијан Русинов, заменик директор на Ромскиот Едукативен Фонд.

Дали едно необразовано ромско дете кое никогаш нема да се вработи и нема да плаќа данок не ја чини државата поскапо? – Ник Торп, BBC

No Responses »

Скопје, 31 јануари (МИА) - Ромското прашање во Македонија - недостаток на знаење или отсуство на политичка волја е темата на денешното јавна дебата што се одржува во Собранието на Република Македонија.

Според Извештајот на Европскиот центар за праватана Ромите и Националниот ромски центар на Република Македонија, Ромите во Македонија во поглед на вработувањето и условите за работа се во многу тешка состојба.

Во Извештајот се наведува дека во Македонија 31 отсто од Ромите немаат образование воопшто, а како резултат на тоа голем дел од нив се невработени или работат како физички работници.

(more…)

No Responses »

Европскиот Форум на Ромите усвои резолуција за Ромите во Европа

Стразбур, 9 ноември 2006 година. На крајот на тридневниот состанок на пленарното Собрание на European Roma and Travellers Forum усвои резолуција со која се бара од Комитетот на министрите и од Европскиот Совет да усвојат Европска повелба за правата на Ромите. Повелбата треба да биде обрзувачки легален инструмент со кој ќе се присилат националните влади или меѓународните организации да ги почитуваат правата на Ромите.

Во палатата на Европа во Стразбур се состанаа делегати од повеќе од 40 земји членки на Советот на Европа вклучувајќи ги и претставниците на поважните седум меѓународни организации да разговараат за состојбата на Ромите во Европа. Во извештаите на земјите се истакнува дискриминација во полето на образованието, домување, здравство и вработување. Неколкумина од делегатите истакнаа дека постоечките инструменти за заштита на човековите права и анти-дискриминацијата не се применуваат соодветно за состобата на Ромите. Тие исто така беа критични и за фактот дека политичките иницијативи кои се поврзани со лошата состојба на Ромите честопати не ги земаат во предвид актуелните потреби на Ромите за определени потреби.

(more…)

No Responses »

Како претседател на ERTF, имам чест и задоволство да ви посакам добредојде на нашата втора пленарна седница во Стразбур.

Задоволство ми е што гледам претставници на форумот од многу ромски национални организации и меѓународни ромски невладини организации кои го создадоа ERTF.

Охрабрувачки е да се види дека имаме посетиле од Советот на Европа и од други организации, меѓувладини како OSCE или пак од типот на Roma Education Fund, кои играат важна улога во нашата поделена борба за еднакви права на Ромите.

Кога го одржавме првото пленарно Собрание, работевме заедно да донесеме многу важни одлуки за нашата организациона структура, правила и водство. Од тогаш, извршниот комитет и секретаријатот работат. Ќе имаме можност да ве известиме за активностите некој од наредните денови. Но суштината на ова второ пленарно Собрание, најважната работа на која ќе работиме овие денови, е политичка.

(more…)

No Responses »