Целта на ова известување е да ве информира дека е изработен документ со наслов Резиме и препораки за применети политики за намалување на здравствени нееднаквости во антенатална и постнатална грижа кон Ромките во Република Македонија.

Наодите во извештајот и анализата ни ги покажуваат недостатоците и насоките за подобрување на пристапот до квалитетна здравствена заштита. Препораките содржани во ова резиме даваат јасни насоки за креирање на идни политики во системот на здравствена заштита во делот на репродуктивно здравје.

Националниот ромски центар неколку години наназад преку своите активности работи на  застапување за прогресивна реализација на правото на здравје, со посебен акцент на репродуктивното здравје, за навремени и квалитетни здравствени услуги за припадничките на ромската заедница.

Здружението Национален ромски центар во рамките на проектните активности „Здравствени нееднаквости кон Ромките“ во периодот од ноември 2010 година до ноември 2011 година интензивно работеше на истражување поврзано со здравствената заштита на припадничките на ромската заедница во репродуктивниот период. НРЦ благодарение на подршката на Иницијативата за одговорност и следење на здравството на Институт Отворено Општество Њујорк (ИОСЗ) и Ромската здравствена програма на Институт Отворено Општество Будимпешта (РЗП) дојде до податоци кои ги покажуваат недостатоците и насоките за подобрување на пристапот до квалитетна здравствена заштита.

Во рамки на проектните активности беше направено собирање на податоци и проценка на состојбата од аспект на здравствени нееднаквости во репродуктивниот период кај жените е направена преку прашалник на репрезентативен примерок за фокус групи  и наменски (длабински) интервјуа со целни групи од други засегнати сектори. Со квалитативно истражување беа опфатени 102 жени во репродуктивен период (15-49 години) во 10 фокус групи организирани во Куманово, Крива Паланка, Кочани, Штип и Битола и 25 индивидуални интервјуа со претставници од Институтот за јавно здравје на Р. Македонија, Управата за водење на матични книги, Фондот за здравствено осигурување на Република Македонија, здравствени служби кои се директно вклучени во давање услуги од репродуктивно здравје (претставници на гинеколошко-акушерски одделенија или матични гинеколози, советувалишта за репродуктивно здравје и патронажни служби).

Контакт лице

Себихана Скендеровска

Електронска пошта: skenderovska@nationalromacentrum.org

Веб страна: www.nationalromacentrum.org

Симни тука

НРЦ во рамките на проектот „Здравствени нееднаквости кон жените Ромки” реализираше истражување за да го испита и осознае пристапот и услугите кои ги добиваат Ромките во период на бременост, породување и леунство.

Реалност е дека жените припаднички на ромската заедница немаат услови и можности да се грижат за своето здравје од повеќе причини: нееднаквост, континуирана дискриминација, неписменост и невработеност, факт кој ги позиционира на маргините на општеството.

Нееднаквиот пристап и нееднаквите можности се исто така проблеми со кои Ромките се соочуваат во периодот на бременост и мајчинство. Репродуктивното здравје, квалитетната здравствена заштита, како и социјалната благосостојба, во овој период се многу значајни во животот на секоја млада мајка. Извештајот од фокус групите и интервјуата дава податоци за перцепцијата, мислењата и искуствата на Ромките од овој период во петте таргетирани градови: Куманово, Штип, Крива Паланка, Кочани и Битола.

Истиот содржи конкретни препораки од жените припаднички на ромската заедница од таргетираните градови како и од претставници на институции на национално и локално ниво.

Р. Македонија е земја потписничка на „Декадата на Ромите” од 2005 година заедно со уште 8 земји од југо-источна Европа. Сите земји потписнички преземаа обврска да изнајдат и реализираат конкретни решенија за да ја подобрат ситуацијата на Ромите во 4 приоритетни области: човекови права, вработување, образование, домување и здравство. Во сите овие области се препорача да се обрне посебно внимание да се делува на подобрување на состојбата на Ромките.

Подолго време од страна на граѓански здруженија и иницијативи, се преземаат акции да се сензибилизира и дискутира по прашањето на вулнерабилната позиција на жената Ромка. Исто така се прават обиди да се идентификуваат причините и да се изнајдат решенија кои директно влијаат врз подобрувањето на состојбата на Ромката во приоритетните области.

Погледни Извештај

Симни Извештај

Нашата задача е да бидеме ромски глас во институциите на национално и интернационално ниво и да промовираме еднакво учество на Ромите во општеството.

Национален ромски центар ја продолжи својата работа со заедниците во 15 градови. Работевме на охрабрување на Ромите во остварувањето на нивните права согласно законот. Тоа придонесе да се здобиеме со јасна и реална слика за активното учество на ромските деца во основното образование во 15 градови, каде што работевме на предуписниот период, почетокот на учебната година и редовноста на учениците.

Наши директни корисници се Ромите, но за да креираме позитивна атмосфера ние обезбедивме асистенции и за не-ромските граѓани. Секојдневно во канцеларијата за правна помош се обраќаат околу 50 граѓани. НРЦ асистира во вадењето лични документи, пристапот до здравствените институции и сл.

НРЦ од почетокот на ромската Декада работи на активности што се директно поврзани со Декадата. Активностите на НРЦ кои се однесуваат на застапување, бесплатна правна помош, здравје, образование, лична документација се дел од процесот на Декадата.

Европската Унија ја поддржува имплементацијата на „Добар Почеток“ програмата која цели кон развивање на деца помеѓу 0 и 6 години. Проектот е финансиран 2 милиона евра буџет, се имплементира преку пилот проекти кои ќе се прилагодуваат на локалните услови во четири земји – Македонија, Словачка, Романија и Унгарија во вкупно 16 населби. Целта е до крајот на програмата да постигнеме ефикасно и успешно инволвирање и поддршка на повеќе од 4000 мали деца и нивните фамилии во четирите земји.

Во Македонија, на почетокот од школската година, во пет локалитети (три урбани и две рурални) – во Шуто Оризари, Виница, Делчево, Тработивиште и Црник – започнаа индивидуални програмски елементи. Три локални НВОа ги имплементираат планираните активности и тоа: Национален Ромски Центар – Куманово, Ромски Образовен Центар „Амбрела“ – Шуто Оризари (Скопје) и НВО „Кхам“ – Делчево. Сите овие организации се искусни, иницијативни, активни НВОа на полето на образование.

Целта на „Добар Почеток“ програмата е поддршка на образование и грижа во рано детство, со фокусирање на фамилиите и заедниците додека се работи со институции.

Магазинот ЕДНО се издава од декември 2008 година под мотото „едно образование за сите“. Во периодот до 2010 година се публикуваа месечни изданија кои беа финансирани од Ромскиот образовен фонд од Будимпешта.

По пауза од една година редакцијата на ЕДНО го преформулира мотото во „сите сме едно“, со што и опсегот на магазинот се прошири и на здравство, вработување и домување. Проширувањето ни го овозможија Амбасадата на Кралство Норвешка и Амбасадата на Република Франција во Македонија.
ЕДНО продолжува да делува за да им се даде глас на сите обесправени; за да се овозможи пристап на информации од и до ромската заедница; да се потсетат властите на превземените обврски; да се притиснат кога е потребно за да бидат поефикасни, потранспарентни и поотворени за дијалог; да се подигне квалитетот во известувањето за вистинските проблеми со кои се соочуваат Ромите, а и сите други граѓани во државава.

ЕДНО ќе биде присутно во македонскиот медиумски простор, како единствен медиум фокусиран на правата на Ромите, на сите маргинализирани групи, на сите заедници без разлика на националноста, вероисповеста, политичката припадност. Пред се, на почитувањето на човековите права генерално. Бидејќи цврсто веруваме дека правата не се даваат, туку се стекнуваат со раѓање, бидејќи сите сме ЕДНО!

Со овој магазин сакаме да ги отсликаме работите такви какви што навистина се, пред сè на терен, но и на хартија, во законите, преку слика, преку животни приказни, историја…

За подобар и подостоинствен живот на сите – Едно!

Во ромскиот јазик chachipe значи „вистина“ или „реалност“, а понекогаш може да значи и „право“. Како организатори на меѓународниот конкурс за фотографии Chachipe Map, Фондациите Отворено општество и Архивите на Отворено општество при Централноевропскиот универзитет ве покануваат преку фотографии да ни покажете како вие го гледате вашиот свет, вашата реалност и што сметате дека е вистина.

Првиот конкурс за фотографии Chachipe беше објавен во 2007 година, а вториот конкурс, Chachipe Youth, беше одржан во 2009 година. Овогодинешниот конкурс става посебен акцент на географската дистрибуција на ромската култура и симболичното „ремапирање“ на настаните и акциите поврзани со Ромите, факт што е нагласен со зборот „мапа“ од насловот на конкурсот. Доколку прикачите фотографија и го наведете името на местото каде таа е сликана, тоа ќе се појави на интерактивната мапа на вебсајтот Chachipe Map. Оваа година, можете да прикачувате фотографии во следниве три категории: Локален херој, Заеднички именител, и Остварување на сонот.

Најважната цел на конкурсот е да ви даде можност да покажете како вие ги гледате Ромите и нивната положба во општеството и во заедницата во која живеете. Ние бараме не-стереотипни фотографии кои се ослободени од предрасуди, кои го покажуваат заедничкиот живот на ромското и не-ромското население, кои темите ги прикажуваат на отворен начин и кои дури можат вклучуваат радикални нови перспективи.

Овој повик за учество на конкурсот е отворен за сите. Сепак, за да се квалификуваат за конкурсот, фотографиите мора да бидат сликани во периодот 2005-2011 година во земјите што учествуваат во Декадата за вклучување на Ромите 2005-2015: Албанија, Бугарија, Босна и Херцеговина, Хрватска, Република Чешка, Унгарија, Македонија, Црна Гора, Романија, Србија, Словачка и Шпанија.

2. Категории

Локален херој

Меѓу нас живеат луѓе кои прават значаен придонес во нивните заедници, и во мирните односи меѓу Ромите и нивните соседи. За разлика од славните личности и ѕвездите, овие луѓе не го добиле вниманието на медиумите. Ние ве повикуваме да ги барате ваквите лица во вашето соседство, да најдете луѓе кои вие ги почитувате и со кои би се гордееле за да ги ставите во замислен фото-албум. Барајте луѓе кои се засегнати од судбината на Ромите и кои преку своите акции веќе го докажале тоа пред вас, вашата фамилија или пред оние околу вас. Тоа може да биде вашиот најдобар пријател, некој од вашите роднини, вашиот сосед или истакната личност во вашата заедница – секој кој заслужува да биде бесмртен. Покажете ни го ова лице во акција или во контекст кој го објаснува вашиот избор. Во насловот на вашите фотографии, наведете зошто сметате дека луѓето што се претставени се херои.

Заеднички именител

Од вашата перспектива како припадник на ромско или не-ромско население, размислете дали постојат повеќе сличности од разлики меѓу вас и луѓето од „другата страна“. Кои се настаните или искуствата што ги споделуваме без оглед на нашите афинитети? Во вашите фотографии, обидете се да ги претставите оние работи што ги врзуваат ромското и не-ромското население заедно, обидете се да ги фатите ситуациите каде поделбите меѓу нас не се фактор. Вашето лично вклучување може да ја направи фотографијата повредна. Во насловот на вашите фотографии, опишете го искуството што ви дало можност да се запознаете и да се прифатите едни со други.

Остварување на сонот

Сите ние сонуваме, без оглед каде сме родени и дали сме Роми или не, а понекогаш овие соништа не се дел од некој имагинарен свет. Соништата задолжително не се однесуваат на материјални добра, туку и на остварени желби, момент на среќа, или успех на поединец или на заедницата. Обидете се да најдете ситуации каде реализираните соништа се очигледни. Најдете ги припадниците на ромската заедница чиишто соништа се оствариле – или покажете ни ги вашите остварени соништа. Покажете ни што мислите дека е добро во светот или што е тоа што може реалноста – која не е секогаш убава – да ја направи подобра. Во насловите на вашите фотографии, искажете ги соништата што се оствариле.

3. Услови на конкурсот

Учеството во конкурсот е бесплатно, и во него можете да се пријавите без оглед на вашите години и државјанство. Вашите фотографии можете да ги пријавите за учество во конкурсот од 19 октомври до 20 ноември 2011 година, преку нивно прикачување на англиската верзија на следниов вебсајт www.chachipe.org.

Прикачените слики ќе се појават на јавниот вебсајт на Chachipe по истекот на период од 24 часа, без името на фотографот. Сепак, жирито ќе ги оценува само оние фотографии чијшто фотограф ја потпишал Изјавата на авторот и ја испратил по е-пошта или факс, или со прикачување на скенирана копија на вебсајтот на Chachipe пред истекот на крајниот рок за пријавување на конкурсот. Доколу ви треба помош за да го пополните формуларот за пријавување, ве молиме контактирајте го нашиот координатор на програмата Zsófia Horváth (Софија Хорват) на следнава е-пошта photo@chachipe.org или на тел. +36 30 250 2635.

За целите на организирање на конкурсот и оценување на фотографиите, и со цел да се почитуваат авторските права, од вас бараме да ни доставите неколку лични ифнормации; организаторите на Chachipe Map гарантираат почитување на личните права. Доколку фотографот е малолетно лице, треба да ни доставите информации за контакт за родителите и старателите, кои мора да го потпишат формуларот за пријавување. Преку потпишување на Изјавата на авторот, која е дел од формуларот за пријавување, апликантите изјавуваат дека тие се носители на авторските права поврзани со фотографиите и дека тие им дозволуваат на Фондациите Отворено општество и Архивите на Отворено општество да ги изложат и да ги прикажат фотографиите на нивните вебсајтови за некомерцијални цели.

Можете да пријавите само фотографии што претходно не биле објавени или изолжени. (Постирањето на личен вебсајт не се смета за објавување). Еден фотограф може да пријави максимум 10 фотографии за конкурсот.

Ние можеме да прифатиме само дигитални или дигитализирани фотографии во JPEG формат, со минимална резолуција од 2048 x 1536 (3 Mpixel- мегапиксели). Ние не можеме да ги прикачиме фотографиите; вие мора да го сторите тоа сами. Ние ќе сметаме дека фотографиите се манипулирани доколку делови од нив се додадени или избришани, доколку е сменета бојата или се користени филтри. Манипулираните фотографии ќе бидат исклучени од конкурсот.

4. Награди

Меѓународното жири ќе додели 3 награди во секоја категорија од 1000, 500 и 300 евра, соодветно – а може да додели и специјални награди. Победниците ќе бидат објавени на вебсјатот на Chachipe Map во декември 2011 година.

Избор на најдобрите фотографии од конкурсот Chachipe Map ќе бидат изложени во Будимпешта во текот на 2012 година. Отворањето на изложбата ќе послужи и како церемонија за доделување на наградите од конкурсот.

Се надеваме дека фотографиите од конкурсот ќе ги посетат и другите земји од Декадата за вклучување на Ромите.

За повеќе информации, контактирајте го координаторот на програмата Chachipe

Zsófia Horváth (Софија Хорват) на тел. +36 30 250 2635 или на е-адреса photo@chachipe.org.

www.facebook.com/ChachipePhoto

симни флаер