Шоуто е замислено како потрага полна со игри и препреки. Совладувајќи ги, протагонистите етапно ќе бидат воведувани во финалната потрага за легендарниот змеј опишан во нашиот народен фолклор. Тие попатно ќе ги откриваат културните различности на нашево поднебје и подлабоко ќе се запознаат со нашите природни и  културни вредности и белези.

Повикот е отворен за сите лица над 18 години, големи авантуристи кои се подготвени да ги поминат и најтешките препреки за да стигнат до возбудливи откритија, љубители на природата, митологијата и фолклорот, жедни да ги откријат тајните моќи на непознатите светови.

За одбраните следат вредни награди и незаборавни две недели низ најчудесните предели низ Македонија.

Заинтересираните кандидати можат да аплицираат на sledigozmejot@gmail.com заедно со мотивационо писмо и фотографија или со пополнување на формуларот на линкот :

https://docs.google.com/spreadsheet/viewform?formkey=dGtYRW44a1YzUUVkeG1KQ2RxNElGQ2c6MQ#gid=0

Тимот на змејот е во очекување на новите легендарни витези, најдоцна до 20-ти мај, 2012 година.

Европскиот Центар за Правата на Ромите и Национален ромски центар повикуваат учесници за Обука за образование на Ромите. Обуката ќе се одржи во Скопје, Р. Македонија од 15-18 Мај 2012 година.

Во овој период ќе се одржат две последователни обуки кои се наменети за активисти и студенти од Македонија кои имаат интерес да работат на подобрување на образованието во Р.М.

Целта на обуката е да се развијат капацитети за употреба и примена на националната легислатива од областа на човекови права, за да решаваат проблеми при појава на дискриминација кон Ромите. Акцентот ќе биде ставен на формите на дискриминација, која се појавува во областа на образование, низ документирање и реализирање на кампања на ниво на заедницата.

По завршување на обуката треба да се спроведе кратко истражување и ќе се спроведе кампања во заедниците од каде што потекнуваат учесниците.

Обуката е дизајнирана да понуди знаење и вештини за реализирање на кампања против големиот број на ромски деца во училишта со посебни потреби.

Исто така ова ќе биде одлична можност за отворено дебатирање, размена на информации за идни предизвици, нови стратегии и експертиза за учесници кои ја започнуваат својата професионална кариера.

Обуката ќе им овозможи на учесниците да се запознаат со теоретски и практични знаења за човекови права и не дискриминација, воедно ќе имаат можност да придобијат знаење и експертизата од страна на признаети експерти за човекови права.

Цели на тренингот

1. Да се стекнат со знаења млади Роми активисти со знаења и вештини во областа на човекови права, теорија, документирање и реализирање на кампања, со фокус на врата до врата методологија,
2. Да се развијат знаења за вклучување на децата во училиште како и начин и процедури на трансфер и
3. Зајакнување на Ромите активисти за да се подигне свеста кај родителите Роми за последиците од вклучување во образование за ученици со посебни потреби и промовирање на еднакво образование за Ромски деца.

Учесници:

Добредојдени се да аплицираат Ромски индивидуалци кои имаат интерес во областа на човекови права. Учесниците треба да бидат активно вклучени во работа која ги засега Ромите или да потекнуваат од ромска заедница во Р.Македонија од следниве градови: Куманово, Скопје, Делчево, Битола, Велес, Струмица, Штип, Гостивар, Пробиштип, Кичево, Струга, Охрид и Прилеп.

Начин на аплицирање:

За да аплицираат учесниците треба да испратат своја кратка биографија (максимум 2 страни).

ЕРРЦ и НРЦ ќе ги покријат патните трошоци во износ на автобуски билет, храна и сместување (1 ноќевање) за време на обуката.

Ќе ве замолам вашата биографија да ја испратите на следната електронска пошта:

Електронска пошта: skenderovska@nationalromacentrum.org

Краен рок за аплицирање е 7 Мај 2012 година.

Само селектираните апликанти ќе бидат контактирани и ќе им бидат испратени дополнителни информации.

02. Mamush

03. Ko dugavda to vilo

04. Pravdilo da daje bre jek kalo sabalji

05. Suzi bori suzo cavo

06. 100 milionja

07. Kali kali

08. Dza dol javari

09. Dema dema to mangipe

10. Kazino

11. Muk tu hari te bala

12. Ka dav bari sovli

13. Oro Super Mario

Заложбите за интеграција на Ромите во Европа што се предлагаат сега, како и во последните неколку години се помалку или повеќе слични на тие што се предлагаа во раните 1990 години, кога Ромите почнаа да го креваат гласот за потребата од нивната интеграција во општествата низ Европа и светот. Но, ефекти од претходните заложби има малку. Малку има и континуитет на оние реформи, платформи и иницијативи кои вродија со плод и кои покажаа позитивни резултати и практики за подобар живот на Ромите.

Со години размислувам како да се надмине тоа. И како човек кој работи на терен, меѓу ромската заедница предлагам тоа да го направиме така што ќе бидеме искрени пред себе си, а со тоа и пред другите. Добро е да почнеме со тоа што ќе си признаеме дека ситуацијата на Ромите за жал, сé уште е лоша. Пред сé заради тоа што во 21 век, Ромите се протерувани, дискриминирани, понижени, етикетирани…

Секоја земја си има свој напредок и стагнација во однос на Ромите, секоја земја си има свои практики и искуства. Затоа е добро од сите нив да се искористат искуствата за да може оваа ромска платформа да биде поставена на добри темели, за да може да се зафатиме со конкретни чекори во блиска иднина. Велам во блиска иднина, затоа што нашите деца и децата на нашите деца не може повеќе да чекаат. Не може да го носат товарот на негативното генерализирање дека сите Роми се сиромашни, необразовани, дека сите питаат и живеат на улица, дека поради животот под линијата на нормалните човечки стандарди сите сакаат да се иселат, на пример, од Македонија?! И заради таквите предрасуди и стереотипи, на мнозинството Роми од мојата земја им е скратено правото на движење. Зарем треба во мојата земја да се борам против стереотипите само затоа што сум Ром, а во Европа да се борам против стереотипите затоа што сум и Ром и затоа што потекнувам од Балканот? Исправен пред овие прашања, се чувствувам како да се борам против ветерници!

Она што ми дава светлина во овој темен тунел е токму ромската платформа. Ромската платформа е добар и силен политички процес кој го поддржувам како претставник на Националниот ромски центар од Куманово и како претставник на европското ромско движење (ЕРТФ). Таа е добра стартна позиција да се промени првенствено т.н. чип на предрасуди и стереотипи на многу европски народи кон Ромите. Платформата е добар компас кон што точно ќе се движиме и што точно им е потребно на Ромите.

Но, тука пак ќе потсетам на стереотипите, негирањата, генерализирањата… за да се чувствувам како голем Ром, треба да ја изразам својата култура, своите обичаи, традиција… својот јазик! За да биде тоа можно, оваа платформа, како и креаторите и имплементаторите на платформата не смеат да го занемарат фактот дека јас имам право да зборувам, да читам, да ми се обраќаат, да им се обраќам на ромски јазик. Та јас сум пред сé Ром, па Македонец, па Европеец, па жител на планетата Земја. Нели треба да се држиме за мултикултурализмот и различноста?

Затоа, за да не ја повториме истата грешка од претходно, односно за да не нудиме, гласаме, прифаќаме и декларативно само да усвојуваме платформи, декларации и насоки, потребно е конечно да почнеме да работиме на терен. Потребна е поголема транспарентност на процесите. Пред сé, транспарентност на властите како се спроведуваат меѓународните конвенции. Транспарентност на оние што ги одредуваат буџетите за активностите за Ромите (на домашните и странски организации), како и на оние што ги поставуваат активностите (на цивилниот сектор).

Поголемата транспарентност ќе го олесни процесот на мониторинг на процесите и така полесно ќе ги воочуваме грешките. И полесно ќе може да се поправаме. Така ќе може да си укажеме на негативните практики, ќе може да ја воочиме главната пречка за вистинска интеграција на Ромите во Европа. Така, полесно ќе може да се опомени оној кој не ги почитува поставените темели на процесите за подобар живот на Ромите, а претходно гласал за нив. Едноставно, ќе може да си погледнеме в очи и со отворени карти ќе може да разговараме за сите предизвици што допрва нé чекаат.

Зошто го велам ова? Бирократијата и преголемата бирократизација ги „изеде“ или полека ги нагризува процесите и проектите наменети за подобра интеграција на Ромите во општествата низ Европа. Наместо тоа, предлагам силите и финансиските средства повеќе да се насочат кон Ромите, да се вложат во праксата, од Ромите за Ромите, на терен, за вистинските проблеми. Не сакам да сум неблагодарен кон оние што ги водат процесите наменети за Ромите на административно ниво во секоја Влада одделно, како и во Европа во целина и затоа ќе кажам, фер е и силите и финансиите да бидат поделени партнерски – пола, пола. Или 50 отсто да отпаднат во бирократијата, а другите 50 да бидат вложени во праксата, за Ромите.

Но, не смееме да зборавиме дека на крајот на денот сфаќаме оти најважна од сé е волјата за напредок и волјата за промени кон подобро. Волја од сите вклучени страни во процесите за полесна и подобра вклученост на Ромите во општествата ширум Европа. Без волја, нема ни политичка согласност за напредок. А, како ќе нé слушнат и ќе нé сфатат сериозно ако немаме ресурси, ако не сме единствени и здружени во нашите заложби, ако самите работиме на сопствената штета, ако не сме поприсутни во европските институции, ако не посочуваме примери од пракса, ако не нудиме решенија, ако не лобираме, ако не вложуваме во себе и во другите…

Ашмет Елезовски,

претседател на Национален ромски центар Куманово, Република Македонија

• click for details

Напишал: Ашмет Елезовски

Навистина, ретка можност да се дискутираат и анализираат горливи прашања со претставници на организација што треба да биде еден од главните меѓународни играчи, помагајќи го развојот, демократските процеси и човековите права.

Како дел од група на претставници на граѓански организации, го искористив овој состанок да поставам прашања за спроведувањето на погоре споменатите проблеми, да се утврдат вистинските причини за задоцнувањето и нереализирањето на обврските преземени од земјава во однос на Декадата за вклученост на Ромите, да се подобри нивната состојба во државава. И се чини дека на сите им е јасно дека лошата економска состојба во која се наоѓаме е главната причина не само за проблемот со наплив на азиланти од државава во земјите од Европската Унија, туку и за многу други работи, како на пример неспособноста да се стори повеќе во делот на домувањето кај Ромите, што е и обврска со Декадата. Лошата економска состојба е исто така причина за неодамнешните етнички тензии, за зголемениот број на емигранти, за недостатокот на акција за општо подобрување на состојбата на луѓето во нужда или на оние припадници на маргинализирани групи.

Дриго важно прашање што го поставив е проблемот со Пописот што ние како држава очигледно го имаме. Лично сметам дека е во директна релација со Охридскиот Рамковен Договор и со потребата за исполнување на одредени проценти за да се задоволи така наречената правична партиципација на етничките групи што не се мнозинство во власта и во администрацијата. Да не се сфати погрешно, Договорот имаше позитивен ефект и влијаеше на развојот на меѓу етничките односи во државава генерално. Но, сигурен сум дека многумина ќе се согласат оти тој е исто така и причина поради која се појавуваат проблеми како што е на пример потребата за манипулации на еден процес каков што е Пописот. Ова особено се однесува на Ромите, кои во минатото често беа манипулирани да се декларираат како припадници на други заедници. И тоа е дефинитивно нешто што треба да се разреши што поскоро.

Конечно, ја искористив оваа можност да отворам едно прашање за кое никој друг не се осмели да го постави, а тоа е ефективноста на меѓународните организации како ОБСЕ, во нивните напори да се помогне на тие што имаат таква потреба. Повторно, не би сакал да бидам сфатен погрешно, но навистина сметам дека има волја да се направи нешто кај многу од овие организации, има и капацитет, особено во ОБСЕ да се помогне за овие работи да се променат на подобро. Постои волја и има квалитетни луѓе што работат на Ромското прашање, но сметам дека често се претоварени со административни бариери, дека не можат да делуваат навремено и соодветно поради административните обврски што ги чини сите нивни напори неефективни.

Во перспектива да ги користиме што повеќе како партнери за да се подобри имплементацијата на Декадата и во генералните напори да се подобри ситуацијата кај Ромите и кај сите луѓе што на некој начин се загрозени. Ни треба партнер што навремено ќе асистира. Само така ќе се подобри и нашата ефективност и ќе може да се решат повеќе проблеми!

Во таа насока, морав да ги информирам претставниците на ОБСЕ за впечатокот што преовладува кај многу Ромски организации, дека ОБСЕ на некој начин ги запостави Ромите и нивните проблеми во изминатиот период. Во изминатата декада, лично бев вклучен во многу активности што ОБСЕ ги организираше, вклучително и во активности поврзани со ОБСЕ Контакт Центарот за Ромски и Синти прашања. Сега, навистина имам впечаток дека дијалогот со ОБСЕ за Ромските прашања е опаднат.

Иако не беше присутен, морав да го посочам Советникот на ОБСЕ за прашања поврзани со Ромите и со Синти, Андреј Мирга, кај кого има недостиг на ефективност и на активност. Ситуацијата беше драстично поразлична со неговите претходници. Во тоа време, бев вклучен во многу процеси, во многу проекти како на пример Пактот за Стабилност и Ромите во Југоисточна Европа. Имаше раздвиженост генерално, токму поради ОБСЕ, а Ромите беа вклучени во донесувањето на политиките и во нивната имплементација.

Всушност, доколку некои други личности што навистина се неефективни беа присутни на состанокот, воопшто немаше да присуствувам. Сите тие се чини дека се оттуѓени од ромската заедница. Чувствувам дека Ромите се запоставени од ОБСЕ во изминатиот период и затоа сугерирам работите да се вратат како претходно. Ова е особено важно во овие тешки времиња, кога за жал многу Роми се соочени дури и со безбедносни проблеми, со сиромаштија, со депортација од земји што се далеку поразвиени од Македонија. И срамно е меѓународни организации, како ОБСЕ да бидат пасивни во однос на овие проблеми, без притоа воопшто да навлегуваме во дебата за потребата за обезбедување на еднаква примена на законите, владеење на правото и подобра имплементација на документи и стратегии што се однесуваат на Ромите.

Потребни се многу повеќе вакви состаноци, подобар дијалог со меѓународните организации. Но, потребно е и тие активно да се вклучат во дијалогот со политичките претставници – Роми, со граѓанските организации и воопшто со ромската заедница.

Така, благодарен сум на можноста да присуствувам на состанокот, иако не беше возможно ниту да се начне темата за проблемите на Росмката заедница во пет минути. Се надевам дека моите искажани ставови и сугестии ќе помогнат за засилена имплементација на националните стратешки документи за социјална инклузија на Ромите. Во секој случај, потребна е поголема активност како на јавната администрација така и на носителите на јавни и политички функции!

• click for details

Целта на ова известување е да ве информира дека е изработен документ со наслов Резиме и препораки за применети политики за намалување на здравствени нееднаквости во антенатална и постнатална грижа кон Ромките во Република Македонија.

Наодите во извештајот и анализата ни ги покажуваат недостатоците и насоките за подобрување на пристапот до квалитетна здравствена заштита. Препораките содржани во ова резиме даваат јасни насоки за креирање на идни политики во системот на здравствена заштита во делот на репродуктивно здравје.

Националниот ромски центар неколку години наназад преку своите активности работи на  застапување за прогресивна реализација на правото на здравје, со посебен акцент на репродуктивното здравје, за навремени и квалитетни здравствени услуги за припадничките на ромската заедница.

Здружението Национален ромски центар во рамките на проектните активности „Здравствени нееднаквости кон Ромките“ во периодот од ноември 2010 година до ноември 2011 година интензивно работеше на истражување поврзано со здравствената заштита на припадничките на ромската заедница во репродуктивниот период. НРЦ благодарение на подршката на Иницијативата за одговорност и следење на здравството на Институт Отворено Општество Њујорк (ИОСЗ) и Ромската здравствена програма на Институт Отворено Општество Будимпешта (РЗП) дојде до податоци кои ги покажуваат недостатоците и насоките за подобрување на пристапот до квалитетна здравствена заштита.

Во рамки на проектните активности беше направено собирање на податоци и проценка на состојбата од аспект на здравствени нееднаквости во репродуктивниот период кај жените е направена преку прашалник на репрезентативен примерок за фокус групи  и наменски (длабински) интервјуа со целни групи од други засегнати сектори. Со квалитативно истражување беа опфатени 102 жени во репродуктивен период (15-49 години) во 10 фокус групи организирани во Куманово, Крива Паланка, Кочани, Штип и Битола и 25 индивидуални интервјуа со претставници од Институтот за јавно здравје на Р. Македонија, Управата за водење на матични книги, Фондот за здравствено осигурување на Република Македонија, здравствени служби кои се директно вклучени во давање услуги од репродуктивно здравје (претставници на гинеколошко-акушерски одделенија или матични гинеколози, советувалишта за репродуктивно здравје и патронажни служби).

Контакт лице

Себихана Скендеровска

Електронска пошта: skenderovska@nationalromacentrum.org

Веб страна: www.nationalromacentrum.org

Симни тука