NRC

7 април 2009 година, Куманово, - Национален Ромски Центар (НРЦ) ја известува јавноста и институциите по повод 7ми април, Светскиот ден на здравјето, кој се одбележува во чест на формирањето на Светската Здравствена организација како можност да се сврти вниманието на пошироката јавност кон значајни прашања од областа на здравјето секоја година, годинава се одбележува под мотото „Спаси живот! Безбедни болници во вонредни состојби“.

Светскиот ден на здравјето се прославува за да се одбележат заложбите и насоките за идните активности кои се приоритетна област. Светскиот ден на здравјето 2009 се фокусира на безбедноста и можностите на здравствениот систем и подготвеноста на здравствените работници да дејствуваат во итни и вонредни состојби.

Според Светската Здравствена Организација „здравствените установи и здравствените работници се критична точка за ранливите групи во вонредна состојба – при повреди, превенција од болести, грижа за здравствените потреби. Камен темелник на примарната здравствена заштита во заедницата е – да се задоволат секојдневните потреби, како што се: безбедни породи, вакцинација и хронични болести за кои континуирано треба да се води грижа и во вонредни услови".

(more…)

No Responses »

Get the Flash Player to see this player.

No Responses »

По промоцијата на магазинот „ЕДНО - Образование за сите“
преку кампањата „Клучот е во ваши раце“
Образованието е клуч кон интеграција и просперитет

Со задоволство ве информираме дека на 26-ти јануари во Арт Кафе - Мултимедијалниот центар Мала станица, во Скопје организиравме промоција на магазинот „ЕДНО - Образование за сите“ што се подготвува во рамките на кампањата за образование на Ромите „Клучот е во ваши раце“. Националниот Ромски Центар од Куманово ја реализира кампањата од 2006 година, со поддршка од Ромскиот Едукативен Фонд од Будимпешта.

На промоцијата присуствуваа претставници на Амбасади во Македонија, на државни образовни институции, меѓународни организации, училишта и други индивидуалци. По воведниот збор на координаторот на кампањата, г-дин Ашмет Елезовски промоцијата се одвиваше во релаксирана атмосфера. Настапот на виолинистот Газменд Бериша ги воодушеви присутните.

Инаку, магазинот е придонес кон интензивно вклучување и прифаќање на ромските деца во образовниот процес. Издавач е Националниот Ромски Центар.

Магазинот го подготвивме со цел да согледаме (1) во која насока се движи образованието на Ромите, (2) како да се интензивира комуникацијата меѓу училиштата и родителите и (3) на кој начин да се задржат ромските ученици во образовниот процес. Магазинот ќе се дистрибуира во сите основни училишта и образовни институции во 15-те градови каде што се реализира кампањата (Куманово, Скопје, Прилеп, Битола, Кочани, Штип, Тетово, Кр. Паланка, Велес, Гостивар, Кавадарци, Виница, Делчево, Берово и Кратово).

(more…)

No Responses »

Во пресрет на Новогодишните празници НРЦ, согласно своите можности, на над 100-тина ученици од основните училишта во Куманово им подели пакетчиња. На овој начин ги мотивираме учениците од социјално загрозените семејства, чии родители не беа во можност да им овозможат мало новогодишно задоволство.

No Responses »

По повод „Неделата против расизмот“ (16-28 октомври 2008), Националниот Ромски Центар во соработка со FARE мрежата, која е под д ржана од фудбалската федерација UEFA и Ф.К. Куманово – Еуроспорт, во петок, 24.10.2006, организираa спортски активности. На настанот зедоа учество деца и младинци од град од Куманово. Неколку дена пред настанот, членови од Националниот Ромски Центар на плоштадот и основните училишта во Куманово делеа промотивен материјал со информации за FARE мрежата, кои се нивните цели како и активностите кои НРЦ ги спроведе во текот на оваа Недела против Расизмот. Целта на овој натпревар беше да се промовира „Неделата против расизмот“ , за да се влијае врз намалување на предрасудите и стереотипите кои постојат.

No Responses »