NRC

Евалуација

Вовед

Водени од мотото дека образованието е клучот што ги отвора вратите кон подобар живот, Националниот Ромски Центар ја организираше Кампањата за образование на Ромите (Мобилизација на Ромските родители да ги пратат децата во редовни училишта) во периодот јануари - октомври 2006, со финансиска поддршка од Ромскиот Едукативен Фонд.

Состојбата на Ромите во образованието е причинско - последична врска каде што на секоја страна од триаголникот се наоѓаат родителите, училиштето и државните институции. Најважната страна сепак е онаа на родителите. Од нив зависи дали децата ќе бидат вклучат во образовниот процес и колку успешно ќе биде сторено тоа. Затоа и најважната работа на НРЦ во кампањата беше да работат со родителите.

За време на шестмесечната реализација на првиот дел од кампањата заклучивме дека ќе биде особено значајно да работиме со родителите на децата кои треба да се запишат во подготвителна година и прво одделение во учебната 2006/2007 година.

Според новите законските одредби, согласно законот за децентрализација „Основното образование трае девет години и, по правило, е задолжително за сите деца на возраст од шест до петнаесет години. Предучилишното образование е задолжително за сите деца. Предучилишното образование е во надлежност на општината, додека МОН е одговорно за образовните програми. Министерството за труд и социјална политика не е веќе надлежно за предучилишното образование“. Според новите одредби, распределбата на средствата кои што ги вклучуваат блок-дотациите се заснова на формула и се одредува во согласниот со фазите на фискалната децентрализација. Формулата се заснова врз бројот на учениците во основните и во средните училишта на територијата на општината.

НРЦ сметаше дека во претстојниот период ќе биде значајно да се работи со најмалите (на нивно интензивно вклучување во образовниот процес). Затоа во периодот Август - Октомври реализиравме три месечно продолжување на кампањата што ги опфаќаше ромските деца што требаше да се запишат во подготвителна година и прво одделение, како и нивните родители и сите околни фактори (училишта, институции, медиуми).

Генералниот заклучок е дека во однос на минатата година уписот на децата во прво одделение во Скопје, Прилеп и Куманово е зголемен за 50%. Од друга страна податоците на НРЦ укажуваат на податокот дека најмалку 1000 деца сеуште се надвор од образовниот процес.

За реализацијата на овие активности добивме поддршки од неколку општини, но сметаме дека особено значајна е поддршката што ја добивме од Филозофскиот Факултет во Скопје (досега претставниците од високото образование не покажуваа интерес за кампањските активности и покрај тоа што редовно беа информирани). Поддршките може да се проследат како Анекс 1.

(more…)

No Responses »

Вашето име и моментална позиција?

Ливија Јарока, Член на Европскиот Парламент од Унгарија.

Која е вашата политичка определба како член на Европскиот Парламент?

Јас сум член на FIDESZ (Hungarian Civic Union) и Групата на Европската Народната Партија и Европските Демократи и сум во Комитетот за Женски Права и Полова Еднаквост како заменик координатор за Групата на Европската Народната Партија и Европските Демократи, Комитетот за Граѓанска Слобода, Правда и Внатрешни Работи и Комитетот за Култура и Образование.

Ве молам опишите ги вашите преходни активности пред да станете МЕП (кратка биографија).

После добивање на диплома по социологија од Централниот Европски Универзитет од Варашава дипломирав и филозофија на Социјална Антропологија на Универзитетскиот Колеџ од Лондон. После добивањето на диплома по филозофија ги продолжив моите студии на иститот универзитет и го започнав мојот докторат насловен “Полиси на Етнички Идентитет помеѓу Ромите во Унгарија”. Активно учествувам во Унгарските и интернационалните граѓански Ромски движења во последиве 10 години.

(more…)

No Responses »

За родителите што нема да ги запишат децата в училиште, покрај досегашните казни се предвидува да им биде укината и социјалната помош, ако се корисници.

Социјално загрозените семејства ќе останат без парична помош од државата ако родителите не ги запишат децата во основното образование. Социјалната помош ќе се укине и за родителите што нема да ги запишат децата и во средното образование, ако тоа в година стане задолжително. Тоа е мерката за стимулација за целосен опфат на децата во образованието што ќе почне да се применува од идната учебна година.

Стимулативната мерка се предвидува да се вметне во новиот закон за социјална заштита, кој ќе го подготви Министерството за труд и социјална политика, а моментно на мерки за опфат на што повеќе деца во образованието работат и во Министерството за образование. Според статистичките податоци, социјална помош користат вкупно 65.960 домаќинства.

Социјално загрозените семејства што добиваат помош од државата, ќе продолжат да ја примаат ако децата ги запишат во училиште. Лекарското уверение дека детето ги примило сите неопходни вакцини за возраст кога тоа треба да почне на училиште и потврда од училиштето дека е запишано таму, ќе биде доказ дека детето е вклучено во образованието. Само така социјално загрозените семејства ќе може да продолжат да користат социјална помош - вели Жаклина Величковска, портпарол во Министерството за труд и социјална политика.

(more…)

No Responses »