Барање за доставување на понуди за експертиза

Почитувани,

Здружение Национален Ромски Центар (НРЦ) од Куманово објавува „Барање за доставување на понуди за експертиза за подготовка на водич за ромските граѓански организации за права поврзани со легализацијa и ранливи групи“ повикувајќи ги сите квалификувани субјекти, да поднесат понуди:

1.Општи услови

Набавувач на услуги: ЗГ „Национален Ромски Центар“ НРЦ од Куманово со седиште во Куманово ул. „Доне Божинов“ бр. 11/5.

Предмет на набавка: подготовка на водич за ромските граѓански организации за права поврзани со легализацијa и раниливи групи

Вид на договорот за набавка: услуги

Период на извршување: декември 2018 – јануари 2019

1.З.Национален Ромски Центар го спроведува проектот „Поддршка за легализација на ромско домување“ со поддршка на Европската Унија и заради остварување на планираните проектни активности јавно го објавува ова барање преку својата интернет адреса како и преку социјалните мрежи, до сите квалификувани субјекти во Република Македонија заради добивање на соодветни понуди за ангажман опишан подолу во барањето.

Главната цел на проектот е подобрување на условите за домување на Ромите во Република Македонија преку поддршка на ромските семејства во процесот на легализација на нивните домови.

Проектните активности се имплементираат во 5 општини во Македонија: Куманово, Кочани, Кичево, Штип и Прилеп.

1.4. Понудувач може да биде секое правно или физичко лице кое ги исполнува условите од ова Барање за доставување на понуди, во смисла на образование и претходно работно искуство.

1.5 Понудувачот е должен да достави:

професионална биографија во која ќе бидат наведени најмалку 3 референци за исполнување на обврските од повикот
мотивационо писмо
предлог методологија за извршување на наведените обврски
предлог цена (во МКД) за извршување на обврските од предмет договорот.

1.6 Потребни квалификации и искуство:

Диплома од високо образование, општествени науки
Најмалку 3-годишно работно искуство со граѓански организации
Најмалку 3-годишно работно искуство во областа на домување, легализација, бесплатна правна помош, имотно-правни односи и други области во правото
Искуство со лица кои се социјално исклучени ќе се смета за предност

1.7 Локација

Р. Македонија

1.8. Опис на обврски:

Подготовка на водич за ромски граѓански организации за правата поврзани со легализација во кој ќе обезбедат детални информации во врска со правната рамка и процедури за легализација, правна рамка за бесплатна правна помош и методи и вештини за работа со ранливи групи
По потреба соработка и комуникација со мрежа на адвокати ангажирани во рамките на проектот
По потреба комуникација и размена на информации со експерти во полето на домување
Комуникација и соработка со проектниот тим за подготовка на водичот
Подготовка на водич за ромски граѓански организации од 50 – 70 страни

1.9 Критериуми за избор на најповолен понудувач:

личното искуство на понудувачот
квалитетот на предложената методолија
цена за понудената услуга

1.10 Плаќање и рамка

Исплатата ќе се изврши по успешното спроведување на задачите и навремена достава на документите предвидени со договорот во рок од 10 дена.

Максимален број на денови предвидени за ангажирање е 15 дена во рок од 2 месеци.

Ве Молиме вашите понуди да ги испратите по електронска пошта (e-mail) на следните адреси [email protected], [email protected] најдоцна до 10.10.2018 година.

Куманово

26.09.2018