Објавено во Музика од во Tuesday, 27 June 2006 во 4:43
| Националниот Ромски Центар во рамките на своите кампањи пораките ги пренесува преку пропаганден материјал, како и преку песни создадени со цел да ја едуцираат публиката и да пренесат своја порака. Во досегашната работа се создадени неколку песни креирани во соработка со композиторите Валентино Скендеровски и Бобан Серафимовски. Кампањските песни можете бесплатно да ги превземете: |
Објавено во Џан од во Monday, 26 June 2006 во 13:35
Националниот Ромски Центар денеска одржа прес конференција во НВО Инфо центарот во Скопје, при што беше презентирана предизборната кампања наречена Џан (во превод знај, оди). Кампањата има за цел да ги едуцира и мотивира Ромските гласачи да излезат да гласаат на 5 Јули 2006 година.
Изборниот процес е важен момент каде што слободата на изразување и волјата на граѓаните ТРЕБА ДА биде почитувана, а промоцијата на взаемното разбирање, толеранцијата и подигањето на свеста дека Ромите треба да бидат еднакви учесници во овој процес ТРЕБА ДА БИДЕ ФАКТ, потенцираше координаторот на кампањата Ашмет Елезовски.
За учеството на жената во изборниот процес, за улогата на членовите како едукатори на жената Ромка како рамноправен учесник и гласач, како и за учеството на членови на Здружението на жените Ромки-Есма набљудувачи за време на изборите, зборуваше Кевсера Мемедова, претседателка на ова здружение.
Елезовски ги повика сите граѓани за активно учество за време на парламентарните избори укажувајќи на потребата од заедничко согледување на важноста на изборниот процес, на кој, како што посочи тој не треба да се гледа како на настан. (more…)
Објавено во Џан од во Saturday, 24 June 2006 во 15:30
Националниот Ромски Центар од Куманово ја организира кампањата Џан (превод: оди, знај) со цел да се зголеми степенот на учество на Ромите во сите форми на граѓанска партиципација во општеството. Организацијата ќе работи на едукација и мотивација на Ромските гласачи за учество во изборниот процес на Парламентарните избори во Македонија. Кампањата се организира со поддршка од Roma Participation Program од Будимпешта.
Преку работната програма и пропагандниот материјал со основни упатства, сакаме да пренесеме порака да престане манипулацијата со гласовите на Ромските гласачи. Нашата идеја е да промовираме толеранција и фер избори низ фудбалски натпревари што ќе бидат организирани како дел од нашата кампања. Натпреварите ќе бидат начин младите Роми да се најдат во ситуација каде што ќе промовираат фер-плеј како начин за промоција на одговорноста за учество во изборниот процес. (more…)
Објавено во Новости и случувања од во Tuesday, 20 June 2006 во 19:39
16, Јуни, 2006, Будимпешта, Скопје. Европскиот Центар за Правата на Ромите (ЕЦПР) и Националниот Ромски Центар (НРЦ) испратија писмо до Др. Владо Бучковски, Премиер на Република Македонија изразувајќи сериозна загриженост за неодамнешната смрт на Ромското момче, Трајан Беќиров, барајќи од македонските власти да спроведат целосна, темелна и ефективна истрага. Копии од писмото се испратени до Г-ѓа Мери Младеновска Ѓорѓиевска, Министер за правда, Г-дин Љубомир Михајловски, Министер за внатрешни работи, и Г-дин Александар Прчевски, Јавен Обвинител на Република Македонија.
Седумнаесетгодишниот, Трајан Беќиров, за последен пат беше виден жив откако македонската полициска единица “Алфи” го бркале него и неговиот другар, Орхан Исени, на 11 мај 2006. Неговото тело беше откриено во реката Вардар во близина на селото Трубарево. Институтот за судска медицина спроведе обдукција, од која што сеуште не се познати резултатите. Соопштено е дека кривична истрага е започната, но до датумот на ова писмо, нема изнесено резултати во јавноста. Натписите во Македонија се пропратени со сензационални изјави, како што се наводите дека можеби се украдени делови од телото на Трајан Беќиров. Родителите на Трајан Беќиров сметаат дека првичната потера од страна на полицијата била со расни предрасуди. Тие исто така наведуваат анти-Ромски предрасуди присутни меѓу македонските власти. (more…)
